Maswali

Utaratibu wa kuchimba visima ukoje?

Ukitaka kuchimba kisima unatakiwa kufanya utafiti wa awali ili:-

• Kuangalia jiolojia ya eneo husika
• Kuangalia uwezekano wa kuwepo mikondo ya maji ardhini
• Historia ya eneo husika kuhusiana na suala la maji.

Gharama za kuchimba kisima zikoje?

Gharama za kuchimba kisima/Visima hutegemea zaidi mambo yafuatayo:-

• Kipenyo na kina cha kisima pamoja na bomba zitakazotumika katika ujenzi.
• Aina ya mwamba utakaotakiwa kutobolewa.
• Umbali wa eneo la kuchimba kisima kutoka mahali ilipo mitambo yetu ya uchimbaji.
• Bei ya vifaa na mafuta (Dizeli) kwa wakati husika.
• Hali ya mazingira ya sehemu kitakapochimbwa kisima, mfano kama hakuna barabara, hivyo kuhitaji matengenezo ya njia ya kupitishia mitambo.
• Wingi wa vifaa vitakavyotakiwa kupelekwa eneo la uchimbaji kwa ajili ya shughuli hiyo mfano booster, compresor, mudpump, generator, welding plant, mobile workshop.
• Muda utakaotumika kupima uwezo wautoaji maji wa kisima husika.
• Kiasi na gharama za filtergravel, polymer bentonite, diesel, lubricants nk. vitakavyotumika katika uchimbaji.
• Gharama zote zinaweza kuandaliwa baada ya kupata ripoti ya utafiti wa eneo husika.

Gharama za ujenzi wa bwawa zikoje?

Gharama za ujenzi wa bwawa unategemea mambo yafuatayo:-

• Uchunguzi wa mazingira.
• Upimaji wa ardhi (Topographical Survey).
• Utafiti wa udongo.
• Usanifu.
• Ripoti ya usanifu.
• Ujenzi wa bwawa.

Kuna umuhimu gani wa kufanya utafiti kabla ya kuchimba kisima/Kujenga bwawa?

Faida za kufanya utafiti kabla ya kuchimba kisima/ kujenga bwawa ni kama ifuatavyo:-

• Inapunguza gharamza zisizokuwa za lazima kwa eneo litakaloonekana halifai kuchimba.
• Inapunguza hasara zitokanazo na visima visivyokuwa na maji ambavyo vilichimbwa bila kupimwa.
• Mteja hufahamu gharama halisi kabla ya kuanza mradi.
• Hupunguza gharama zisizokuwa za msingi kwa kuchimba kisima kirefu sababu kina cha kisima huongeza gharama.
• Mteja hupata kisiam/bwawa bora na kilichoondaliwa kitaalamu.